Vil du vere med og forme framtidas næringsliv i Årdal?

Vil du vere med å forme framtidas næringsliv i Årdal? Årdal Teknologipark søkjer dagleg leiar – ein strateg, utviklar og relasjonsbyggjar med ambisjonar for framtida.

Dette er ei unik moglegheit for deg som ønskjer å bidra til berekraftig vekst og nyskaping i Årdal og regionen rundt. Årdal Teknologipark AS er eit utviklingsselskap med mål om å vere ein katalysator for grøn industri, sirkulærøkonomi og framtidsretta næringsetablering. Selskapet er eigd av Årdal Utvikling, Hydro Aluminium og Årdal Energi, og står sentralt i arbeidet med å gjennomføre den strategiske næringsplanen for Årdal kommune.

Kva rolle får du?

Som dagleg leiar vil du få:

• Ei ny og spennande leiarrolle, med høve til å vere med og forme organisasjonen frå grunnen av.

• Støtte frå sterke eigarar og eit engasjert styre, med rom for å tenkje stort og handle målretta.

• Ein nøkkelposisjon i det lokale utviklingsarbeidet, der du får jobbe tett på både næringsliv, kommune og samfunn.

• Eit variert og meiningsfullt arbeid, frå idéutvikling og samarbeid til gjennomføring og realisering av konkrete prosjekt.

Kven ser me etter?

Me søkjer ein person som:

• Har evne til å sjå moglegheiter, byggje nettverk og drive prosessar framover.

• Har erfaring frå næringsutvikling, eigedomsutvikling, teknologi, energi eller samfunnsutvikling.

• Er ein initiativrik og samlande leiar med god strategisk forståing.

• Trivst med både operativt arbeid og langsiktig utvikling.
  
  Søknadsfrist: 17.8.2025
  
  Ta kontakt med styreleiar Geir Hansen på:

  Telefon: 905 52 1742 / e-post: gh@ardal-utvikling.no.